und SIE hat es doch noch geschafft...

...jaja lang lang ist's her...:-) und wie seit me doch so schoen, besser spaet als nie...so jetz fertig mit dene altkluge sprich...wow, jetz bini scho fascht wieder 2 monat e waeg und mier isch di zit sooo schnaell verbi gange...haemi hie in laguna beach fellig gaebig iglaebt...wobi dass das nit so schwaer isch, aes isch wirklich es troeimortji...was halt eifach es bitz schwierig isch, wennt hie keis auto hesch (ihre "OEV" netz isch halt nit eso guet uesgibaut wie bi isch und da hie eh jede hueshalt mindeschtens zwei auto het) bisch es bitz "aufgeschmissen"...somit gani flott mine, scho va divaerse lit vorprophezeite begabig na, und zwar der hueshalt schmeize und dank der verasch BETTY BOSSI chochbuech bini jetz oei nu fellig uner de chech...hae doch immer scho gwisst das in mier es chleis chochtalaent am schlummmere isch gsi...hahaha...nenei machi mit nit so schlaecht...

aes geit eigentlich immer epis...und da wer jedi zweit wucha di kids hei, isch de eh immer gat fellig epis los...:-) schi sind wirklich zhaerzig...wennis apa nu nit gat verlehrt hae, schaffis eventuell naer nu paar foetis druf zlade...

susch sis der sam und ich fellig am gniesse obschon das aer fellig viel muess schaffe, siwer apa gli hie und da unerwaegs...hei es cools uesflugji uf santa barbara gmacht, das isch so ca. 2 stunde noerdlich va laguna beach aber oei aner weschtkueschta...herrlich gsi...en wunderschoeni wiiiregion und de siwer natirlich oei gat ga wiiitasting mache...:-)

da geschter isch muettertag gsi, heint di kids dene mit ihrer mum verbrunge und der sam und ich si de gmietlich ga zmittag aesse und es bitz ga umche schlaendre...hite mabe na der schuel isch de di rasselbandi wieder komplett...

aebe der grund dasi mi nit ener gmaelde hae hie uf discher sita, hei es chlis pc problem kae und jetz isch en nachbar das gat geschter cho ind ornig tue und naer anstatt das wier ihm epis zahli, het aes isch gat zu schich heim iglade fer epis cho ztriche und schini wohnig cho a zluege...saeg eso epis haeni tatsaechlich nu nie gseh...aer wohnt mit schinum freund zaeme und dekoriere isch wohl schis hobby...dagmar ich weiss due liebsch kitsch aber das isch definitiv zuuuuu viel des guten gsi, di wohnig het uesgseh wie es museum...sicher nit eswa es paar centimeter ohni epis glitzer oder gflunker...heieiei naer wenn wer hie zrug in "ischi" wohnig si cho, hesch der ersch momaent wirklich gat gmeint, wow hie wohnt apa niemmer eso laer wie alles isch...aber de aenz gaebigi schi zwei, wier hoffi jetz eifach schi chomi nisch nit zue cho lite fer verbi zcho...hahaha...

so liebi lit, ich hoffi ich heige jetz di ganze reklamatione chene usum waeg ruehme und jetz machi mi mal derhiner di foetis embruef zlade...

bis bald und dicke knutscher...

2009-05-11-0928-09

immer nu in amerika...

liebi lit, wier si jetz z'viert unerwägs...d'vera und z'anji sind vor güet 10 täg zu isch gstosse, jetz mächi wer california mit ischum gmietete minivan unsicher...da di dun ihre blog gat wieder aktualisiert het, gät doch am beschte gat da druf ga lüege was wer eso tribi und wa wer unerwägs si...ich mäldi mich apa de us der heimat wieder...;-) geit ja nimme lang...fröije mi uf ew alli und bis dahin ganz liebi grüessini und scho bis ganz bald...

http://www.dunja-k.blogspot.com oder nu eifacher, gat rächts hie uf minum blog aklicke...;-)

welcome to CALIFORNIA...

...so da siwer jetz...nach dem lenge flugtagji si de di dun und ich heil und todmiedi in L.A. a cho...emorge ze zweie afa im hostel gsi und durch irgendwelchi verwaegslige heint schi ischi betti witer gigae...so heiwer herrlich im wohnzimmer um zbilliard tischji derfe naechtige aber hei wunderbar gschlafe...am andre tag siwer ane venice beach...aenz schoen mal wieder mit churzem gwand ues zricke und nit immer di dicke pullini...aber isch de scho gat en kehrigi umstellig va suedamerika ind USA zcho...hie gits ei spinner nachem andre aber zum teil scho grobi...

da wier nach zwei naecht L.A. gat en mitfahr glaegeheit verwitscht hei, siwer de scho am di uf san diego cho...aes isch eifach en hammer stadt...si jetz scho 10 taeg hie und gniessis voll...hei oei es super hostel verwitscht...wenn wer nit am strand si, schueni wer apa mal im stadtji umche, gae ins high valley shopping center oder gmietich ga es glace ind ornig tue...maechi hie gat fascht ferie vam reise...:-) klingt komisch, is aber so...

hei nu en coole mitbewohner va italie und mit ihm siwer de nu ins bob dylan konzaert gange...isch apa anersch en cooli stimmig gsi...voll vorna, het epis va open-air kae...hie gits eso en pianobar, sind zwei type ufer buehna am spiele...chasch dine liederwunsch mit es paar dollar ihne ga abgae und de spielent di das...wenn es lied chunt wame cha mit singe und schi dich gsehnt wie due nit mit machsch, wirsch gat mit der taeschelampa beluechtet und gibaete uef zstah fer das gat elei vor alle zsinge...tja so is de mier ergange...hae de zum glick nu unerstuetzig va einem vercho...:-)

hite isch leider nit so tolls waetter somit isch nix mit strand, hoffi am wuchenend waerdis de wieder besser...am di fleigi di dun und ich uf san francisco, das isch oei wieder eso epis...hie fleigsch eifach fer 10 dollar me als fer de bus wuerdisch zahle, da wier ja so gaere fleigi, heiwer isch gat entschiede di schnaell variante znae...tja und da blibi wer de bis ischi liebe schweschterlini am 27. september endlich uf CALIFORNIA choment...megi scho nimme gwarte bis die ONASSINI wieder vereint sind...:-)

hie nu paar foetini...liebie gruessini und bis bald...

LIMA zum ZWEITE...

hei nu en tolli letschti wucha in buenos aires gignosse und hei oei numal es flotts abschiedsfaeschtji gmacht mit es paar wa wer kenne glehrt hei...im vorletschte samstag hets de gheisse packe und putze...hei ischi wohnig tip top chene abgae und de is uf di 22 h busfahrt nach santiago de chile gange...

iner busfahrt va argentinie uf chile het schich wieder emal en unglaublichi landschaft gizeigt...isch raecht speziell gsi schnee und lit am schgifahre z'gseh...wier hei da foto gmacht wie wer nu nie haetti schnee gseh...;-) tja und de hets de di coco und mich gat fellig kae...hei natirlich es tagji miesse ga snowboard fahre...isch de oei der absolut knueller gsi...am vortag hets schoen gschnit und am do wennwer ufi pischta si, isch z'schoenschti waetter gsi...herrlich...

am fr siwer de uf valparaiso, 1 1/2 stund va santiago de chile ewaeg...am hafe a...es stadtji mit aenz viel scharm und sehr farbefrohe huesini...da siwer de ins COCO LOCO ine 21 stock mit sensationeller uessicht, isch gmietlich ga zbuechji voll schla...

hei en aenz schoeni wucha in chile verbrunge...daswer nit usum rythmus chomi natirlich oei nu es faeschtji zwei derbi gsi und geschter siwer nu mit dri schwizer wa wer im hostel kenne glehrt hei, bico bello fein ga znacht aesse...hei isch hite va ischum kueken miesse verabschiede...zcoci geit jetz nu dri wuche uf costa rica und naer heim...si fellig es igspielts team gsi und wird gloeibi scho nu komisch wenn z'gschwaeder nimme da isch...heinomal und woetsch mi verarsche wird mer apa de scho faehle...;-) tja fer dun und mich heisst hite nu WELCOM TO CALIFORNIA...

hae der ersch flug hiner mier...jetz bini z'lima und warti ufe witerflug...naer geits de uf el salvador...und der letsch flug de uf L.A...es lengs tagji...aber freue mi aenz...

hoffi das di foto d'negschte taeg folgent...ischers programm gseht jetz eso ues...ersch paar naecht in L.A. und naer geits de embri uf san diego fer zwei wuche...

bis z'negschmal und liebi gruessini...

PS: fer di was nu nit wissent...bi de jetz STOLZES gotti...;-)

Buenos Aires und es paar abstaechera...

...mich hauts wie schnaell di zit geit, si jetz scho en monat in ischum wohnigji hie z'bs as und fuehli isch hie pudel wohl...hei isch sogar scho fellig ane rythmus gigwennt...chochi und aessi znacht oei immer spaeter und vor de zweie chomi wer eh nit ins bett...und wenn wer ues gae, starti wer ersch gar nit vor mitternacht...

...letsch wucha heiwer en uesflug gmacht zune CATARATAS IGUAZU...das liegt noerdlich va argentinie so heiwer 20 h busfahrt dahi und wieder 20 h busfahrt fer zrug kae...aber het schich alle mal glohnt...isch jetz esooo idruecklich gsi und vorallem di gwalt wa das wasser het...lueget saelber ufe foetini...

...am wuchenend gits hie immer so cooli maertjini...antiquitaete oder eifach alles saelbsch gmachti sache...va chettine, schael, hiet, laeder taesche, girt, gaeldseck, schue...alles derbi...kuenschtler sind am male und paarlini gaebent ihri tangokinscht zum beschte...tja da gfallts mier natirlich fellig guet...;-)

...ja und bald heissts packe und de geits witer en wucha uf chile bivor di dun und ich de endi auguscht uf california fleigi...

...tiet na guet luege und hasta luego...

buenos aires bi tag und nacht...;-)

Rosario und jetz siwer z'BUENOS AIRES...

nach es paar gmietliche taeg mit herrlichem waetter in rosario siwer de vorere wucha hie in buenos aires a cho...fer di erscht nacht heiwer es hostel gibuecht und am mi heiwer de in ischi wohnig chene zigle...heieiei welli freid heiwer kae und heis wirklich soooo genial gitroffe...super glaege und eifach herrlich...mal der rucksack es paar wuche nimme packe, buggle und luege das alles dri geit...obschon das mit sicherheit bi dene ichoeifsmeglichkeite hie nit besser wird mim packe...;-) aber de schicki de apa gat numal es paeckli heim...

am fr siwer de oei zerschmal raecht uesgange...isch de doch gat es bitz lenger gange da hie zlaebe eh viel en andre rythmus het als bi isch...si ze halbe eine afa gstartet und ersch heim wenns scho hell isch gsi...

am su isch de nu "dia del amigo" gsi und da heiwer natirlich oei gat miesse ga luege was de so loeift...tja meglichkeite gits hie eh gnueg...jetz heiwers oei flott uese wie wer mit weller "subte" wa chomi...;-)

buenos aires isch scho en unglaublichi stadt und natirlich RIIIIESSSIG...

so jetz gani mal gmietlich heim ga luege was di coco hite feins gizoeibret het...;-)

hasta luego...

Rosario und BUENOS AIRES...

Argentina - Salta und Mendoza

wettigs glick das isch salta so guet het gfalle...;-) si ja de doch lenger als giplant da giblibe...hei de gat alli es flotts grippji verwitscht...heis aber gli aenz cool kae...hei eifach gmietlich gmacht...(zwar nix aners wa susch oei...;-)) nach me alsere wucha siwer de witer richtig mendoza...14h busfahrt aber isch tip top gange, voll gmietlichi sitzjini wame guet het chene schlafe...da heiwer de en chleini wiitour gmacht und si nu en schoggifarm ga aluege...ei abe heiwer mit es paar vam hostel grilliert, di heint de da gat andri kaliber ufum grill als wier...uiuiui aber aenz lecker gsi...nacher is de nu bitz ine uesgang...tja fer mini verhaeltnis fellig lang vorallem willi hie nu nie wirklich bi ues gsi...gat emorge im halbi siebni heim...ziemlich luschtig gsi...da wier scho im elfi hei miesse uestschegge, si de zdunji und ich nu bitz ine park ga dohrini glette...da isch de gat en flotti veranstaltig gsi mit muesig und so, de isch di zit ziemlich schnaell umgange will wier der abe im 10 wieder witer si...uf cordoba...wieder flott 12h im bus...zcordoba heiwer 1 nacht gschlafe und geschter siwer de mim bus richtig rosario...wa wer jetz im momaent si...starti naer mal es stadttourji ufum bike...das wird sicher luschtig...faetzt mer imal scho wieder mal velo zfahre und zauto fahre vermissi de scho oei...tja hie nu paar fotini...bis negschmal...munzini

Argentina - Salta und Mendoza